Le texte de cette page a été corrigé et est conforme au fac-similé.
91
néphélococugie
ALLOEOSTROPHE VII
Genin
Je croiroy bien que ceste compaignée,
Qui est si bien habillée et paignée
Voulsist aymer un homme comme toy,
Si mal vestu, et si remply d’effroy.
EPODE
Le Poete
Ceux qui au mestier labeurent
Des Muses comme je fais,
En la pauvreté demeurent
Et sont maigres et deffaictz ;
Si sont-ilz tousjours sacrez,
SYSTEME ENTRECOUPÉ
Genin
Ton beau mestier tout le monde l’exerce,
Soit le sçavant qui aux sciences verse,
Ou l’ignorant qui n’en a point soucy,
Ce qu’on ne void aux bons mestiers ainsi :
Le médecin use de medecine,
Et regardant du patient l’urine
Peut ordonner de son authorité
Ce qu’il faudra pour le mettre en santé ;
Le ravaudeur ses robbes rapetasse,
Le savetier d’une laide grimasse
A belles dens fait le cuir allonger,
Pour le pouvoir à l’empaigne ranger,
