Cette page n’a pas encore été corrigée
CXL DE LA DAME Q.UI SE VENJA DU CHEVALIER Bibl. roy. de Berlin, Mss. Hamilton 2 5 7, fol. 84 a à 35 6. OS qui fableaus volez oïr, Peine metez à retenir ; Volentiers les devez aprendre, Les plusors por essample prendre. Et les plusours por les risées Qui de meintes gens sont amées. Il s’entrevirent quant lor plot, Car une eure i a désirée Qui moût petit a de durée. Moût i eûst noble déduit, Se il durast ou jor ou nuit. Celé eure feist moût à loer, Car ele feist tôt oublier, Povreté, enui et mesese ; Nul ne le fet ne soit à ese. Quant la dame vint à celé eure, Le chevalier, qui est deseure. En mi le vis l’a esgardée; Si la vit de douchor pasmée,
