Page:Montaiglon - Recueil général et complet des fabliaux des 13e et 14e siècles, tome V.djvu/111

Cette page n’a pas encore été corrigée

CXXI DE L’ESCUIRUEL Paris, Bibl. nat., Mss. fr. 837, fol. 33 3 r° à 334 et Bibl. de Berne, Mss. 354, fol. 39 v° à 41 r°. vous vueil conter d’une famé Qui fu une moût riche dame; De Roem fu, si con l’en conte Et bien le nous dit et raconte, Qu’ele avoit une fille bêle Qui estoit moût gente pucele, Moût avenant et moût bien fête, Quar nature Favoit portrete, Et si ot mis toute s’entente ; En former si bêle jovente Avoit mis trestoute sa cure. Ele estoit bêle à desmesure, Son père et sa mère Famoient, A son pooir la chierissoient Plus que toz lor autres enfanz. La pucelete avoit .xv. anz ; Sa mère forment le chastie : Et dist : « Fille, ne soiez mie Ne trop parlant ne trop nonciere, Ne de parler trop coustumiere,