Prions Dieu que pardon li face ;
Ters tes iex, essue ta face,
Que li plorers[1] ne t’i vaut rien.
Nous morrons tuit, ce sez-tu bien ;
Par là nous couvendra[2] passer ;
Nus ne puet la mort trespasser
Que ne reviegne par la mort.
Biaus filz, tu as bon reconfort,
Et si deviens biaus bacheler ;
Tu es en point de marier.
Et je sui mès de grant aage.
Si je trovoie .I. mariage
De gent qui fussent de pooir,
G’i metroie de mon avoir ;
Qar ti ami te sont trop loing ;
Tart les auroies au besoing[3] ;
Tu n’en as nul en ceste terre
Se par force nes pués conquerre ;
S’or trovoie fame bien née
Qui fust d’amis emparentée,
Qui éust oncles et antains.
Et frères et cousins germains,
De bone gent et de bon leu,
Là où je verroie ton preu,
Je t’i metroie volentiers,
Jà nel leroie por deniers. »
Ce nous raconte li escris,
Seignor, or avoit el païs
.III. chevaliers qui erent frère,
Qui erent de père et de mère
Page:Montaiglon - Recueil général et complet des fabliaux des 13e et 14e siècles, tome I.djvu/113
Cette page a été validée par deux contributeurs.
77
85
la houce partie
![](http://upload.wikimedia.org/wikipedia/commons/thumb/2/23/Montaiglon_-_Recueil_g%C3%A9n%C3%A9ral_et_complet_des_fabliaux_des_13e_et_14e_si%C3%A8cles%2C_tome_I.djvu/page113-1024px-Montaiglon_-_Recueil_g%C3%A9n%C3%A9ral_et_complet_des_fabliaux_des_13e_et_14e_si%C3%A8cles%2C_tome_I.djvu.jpg)