courrait grand risque d’être découvert, et lui conseilla de fuir[1].
Ils partirent d’illec et se mirent au chemin par nuit et si secretement que de ce jour en avant ilz ne furent plus veus en ces marches. Mais atant se taist pour le present l’istoire du noble et vaillant prince Gerard de (vo) Roncillon pour racompter des Sarrazins quy descendirent en France pour la conquerir. Voire, comme je treuve en ung livre different a celluy sur quoy je treuve du prince Gerard de Roncillon seulement. Et a celle fin que aucune faulte n’y ait, et que tout se puist retrouver par les poins ainsi comme je les treuve rymez, en diray de l’un et de l’autre a mon povoir tout le plus veritablement que possible me sera, par protestation de non estre reprins se aucune faulte y avoit, car je ne puis racompter ne descripre en prose fors autant que j’en treuve en ryme.
91. — Comment le puissant roy Bondiffer de Cordres assambla ses grans ost pour venir en France a l’ encontre du roy Charles Martel.
L’ancienne et vraye histoire racompte qu’en celluy temps la guerre fut en France si trés grande et si mortelle d’entre le roy Charles Martel et le puissant duc Gerard de Roncillon, que maint vaillant chevallier y perdirent la vie, mainte dame et damoiselle y demourerent vesves..... et si mal fut le royaulme de France mené a cause d’icelle guerre que les Sarrazins en mainte contrée en ouïrent les nouvelles.....
101. — Cy s’ensieut une collation ou prologue déclairant comment le facteur de ceste euvre a trouvé ung autre traittié parlant encore des fais de Charles Martel, du duc Gerard de Fourques et d’autres[2].
Vous avez cy dessus peu ouyr comment le roy Charles Mar-
