De sa vie nun reparnable,
E ke nuls ne poeit turner
De Deu servir ne de l’aurer.
Li maistre Diable si blasma
Ses serganz, ke nuls nel’ tempta
E nel’ osta de sun purpens ;
Li uns li dit : mult a long-tens
Que j’ai entur lui demoré,
Ore à primes ai tant ovré,
Qu’entre ci e quinze ans l’aurai
Enfantosmé ; sil’ décevrai
Par un engin ; mès ne pot estre
Ke enceis seit deceu li Prestre
Par une femme ai purvéu
Que donc l’aurai tost decéu.
Li Mestre dit : mult avez fait
S’en cel terme l’avez atrait
De péchier par temptacion,
De mei averez bon guerdon.
Al demain si cum il soleit
Leva li Prestre è ala dreit
El cimetire, è ad véu
Un enfant qui jetez i fu,
Delez la croiz jetez esteit,
Feme le fu, il l’a preneit.
Nurice quist, si la bailla,
Cume sa fille la guarda ;
Page:Marie de France - Poésies, éd. Roquefort, II, 1820.djvu/508
Le texte de cette page a été corrigé et est conforme au fac-similé.
496
POÉSIES
