Page:Marie de France - Poésies, éd. Roquefort, II, 1820.djvu/503

Le texte de cette page a été corrigé et est conforme au fac-similé.
491
DE MARIE DE FRANCE.

Li uns affirma : ke veirs fu
Del’ Espurgatoire è seu
Que plusurs home i entrèrent
Qui unkees puis ne retornèrent.2070

En cel an méïsme trovai
Un eveske à qui jo parlai,
Nevoz fud al tierz seinz Patrix
Qui compaigns ert seinz Malachiz.
Florenciens aveit à num ;
Il me conta en veir sermun
Ke l’Espurgatoire ert assise,
E sa evesche, è là fud quise ;
Ententivement lui enquis,
Si ço fust veirs ke l’en ert vis.2080
E il me dist certeinement
Que c’esteit vers, é dist coment
Que plusurs mult entrèrent jà
Dunt unkes nul n’en repaira.
Tels i out k’arère vindrent
E qui les tormenz sustindrent,
Tuz-jurs furent plus en langur
E perdirent dreite colur,
Pur les tormenz qu’il orent là,
E les anguises k’il greva.2090
Si puis fuissent de bone vie
A als serreient, ne dotez mie,