Le texte de cette page a été corrigé et est conforme au fac-similé.
474
POÉSIES
Avéïent diverses luurs.
Colur de gloire apparisseit
Sur tuz les dras k’il i aveit ;
Li uns alouent coroné
Cume Rei è si atorné ;
Li uns pourtouent en lur mains
Palmes orines, flors è rains ;
Tant fud cil estres délitables
Al Chevalier, è si mirables
De la dulçur è del’ repos,
Qu’il vit là enz dedenz cest clos,
E des duz chanz k’il entendit.
Al Deu loenge è oït,
Chascun en sei s’esjoïsseit
De la joïe ke il aveit
Por ço ke del’ Espurgatoire
Estéïent amenez en gloire.
Cest païs ert si repleniz
De la grace Deu è garniz
Que bien porrent estre péuz
E de cel grace sustenuz.
Plosurs maisuns ont là enz
E mulz cumpaignies dedenz ;
Chascune aveit à grant planté
De la célestiene clarté.
Tuit cil qui le Chevalier virent
