« Laisser vostre purposement,
« Hors vus remerruns seinement,
« N’i aurez nul blémissement ;
« S’od nus remanez finement
« Tuz-jurs aurez peine è turment. »
Il retint bien en sun pensé
Cum Deu l’aveit einz délivré,
Nule rien ne lur respundi,
Einz les despist ; è sis haï
E vers la terre le metteient,
Tut nu si cum li autre esteient,
E sis voleient cloufichier,
Mès il membra al Chevalier
Del’ nun Deu ki l’out délivré,
Si ad Jhesu-Crist réclamé.
Cil turmenz ne lui l’out nuisir
Li nuns Deu les fist départir.
D’iluek le traïstrent è menèrent,
Dedenz un autre champ entrèrent
Où greignurs turmenz ad véu
K’en cel dunt il esteit eisseu.
De chascun âge de la gent
Out en cel champ diversement ;
A la terre furent culché
Cume li autre è cloufiché.
Tels esteit la diversetez
Page:Marie de France - Poésies, éd. Roquefort, II, 1820.djvu/461
Le texte de cette page a été corrigé et est conforme au fac-similé.
449
DE MARIE DE FRANCE.
