Page:Marie de France - Poésies, éd. Roquefort, II, 1820.djvu/459

Le texte de cette page a été corrigé et est conforme au fac-similé.
447
DE MARIE DE FRANCE.

En lui s’afie fermement,
E atent plus séurement910
Les turmenz où il deit entrer,
E ço ke il deit trespasser.
Les Diables despit sans faille,
E lur turmenz, è lur bataille ;
En une waste régiun
Le meinent hors de la maisun,
Dunt la terre ert neire è obscure ;
Ni vit nule autre créature,
Fors les Diables ki le menèrent,
E ki tut entur lui crièrent.920
Là out un freid vent è serri,
Ke lui parcout le cors parmi ;
Il nel’ poeit nient oïr
Cest turment li covint suffrir.
Desques là l’unt trait è mené
Où li soleil neist en esté,
A la fin del siècle le meinent,
Ço lui fud vis par-tut le peinent.
Par une véie grant è lée
Le trestrent en une valée,930
Cele part dunt li soleilz surt,
En yver quant li jur sunt curt.

D’autre part vers le su, à destre,
Lui mustrèrent perillus estre