Page:Marie de France - Poésies, éd. Roquefort, II, 1820.djvu/455

Le texte de cette page a été corrigé et est conforme au fac-similé.
443
DE MARIE DE FRANCE.

Si cum li livres le nus dit.
C’est la parole Jhesu-crist
Ki de sun nun nomer l’aprist.
Mult lui fud cil Seint Nun eidables
K’il rescust sovent des Diables810
K’il ne fust périz ne tenuz
Ne par leur grant turment vencuz.
La pitié de sun bon seignur
Nel’ déçut pas en sa tristur.
Nun, feit’ele, nuli k’il eimt
Ne sa grant bosoig la recleimt ;
Issi armez cum jo vus di,
Li Chevalers suls attendi,
Les batailles espuntables,
K’il fera encontre Diables.820

Il ni avoit guères esté,
Quant ad oï è escuté,
Une tel noise è uns tels criz,
Cum si li munz fust esturmiz ;
K si tut li home del’ munt,
Oisel, è bestes ke i sunt,
A une voiz criassent tuit,
Ni éust mie tant greignur bruit ;
Si ne fust de Deu la vertuz,830
De laquele il se ert vestuz,
E les conforz k’il out éuz,