Le texte de cette page a été corrigé et est conforme au fac-similé.
419
DE MARIE DE FRANCE.
Ke nus avoms ici mustré,
Si j’ai bien éu en mémoire,
Ço ke j’ai oï en l’estoire,
Jo vus dirrai veraïement,
En ordre le commencement.
Seignurs, entendez la raisun :
Un seint hum fud, Patriz out nun,
Mult fud religius è ber
Pur la parole Deu mustrer.
Alad en prédicaciun
En Yrlande od dévociun ;
Il fud li secunz qui là mist
La Lei Deu è tenir la fist.
Deu fist pur lui vertuz è signes
E miracles, kar il ert dignes ;
Mult s’entremist dévotement
De mettre en ceus entendement
Qui èrent de fole créance
Ke jetté fuissent hors de rance ;
Lur bestial cors nun estables
Voleit faire à Deu covenables,
E mult l’espoentat sovent
Par l’enfernal encumbrement,
Des peines ke ci averunt,
Qui en Jhesu-crist ne crerrunt.
E mult sovent lur récitat
