Pur ço atendent la merci
E n’èrent pas del’ tut péri ;
Autresi est d’Enfer li lius
Desu est terre parfunz, è Cius,
Si cum chartre est ténébruse
A cels qui n’eïssent périlluse.
En terre ad-il un parewis
Vers Orient où Deu l’ad mis ;
U les almes sunt amenées,
Quant de peine sunt délivrées.
Jci trovum, en nostre escrit,
K’ iluec demuèrent à délit ;
Ailliurs nus dit seint Augustins,
Qui prodome fud è bon devins,
Ce plusurs almes sunt gardées,
Par divers lius è escunsées,
Ou en repos ou en dolur,
Solunc lur œvre è lur labur.
Issi serrunt dèsk’à là sise
Ke Deus vendrat à grant juise :
Seinz Grégoires dit autresi
En ses livres, k’avons oï,
Des nun corporels espiriz,
Qui poent estre ars è bruiz
El siècle del’ feu corporel.
Aillurs trovons nus autretel
Page:Marie de France - Poésies, éd. Roquefort, II, 1820.djvu/429
Le texte de cette page a été corrigé et est conforme au fac-similé.
417
DE MARIE DE FRANCE.
