Le texte de cette page a été corrigé et est conforme au fac-similé.
414
POÉSIES
Lur ert ilueke guerdoné ;
Unkor nus dit apertement[1],
Ke plusurs almes veirement,
Enz ke des cors puissent partir
Veient ke lur ert à venir.
Plusurs par révélaciun
D’autres è par avisiun,
Ou par juré dreite conscience
Solum ço ke il unt licence.
Plusurs des almes, veirenent,
Veient devant lur finement
Avisiuns, è sunt ravies,
Puis repeirent as cors en vies ;
E mustrent ço ke unt véu
Ou de turment ou de salu.
Ço ke les Bons deivent aver,
E ke li Mal deivent crémer,
Il veient espiritelment,
Ço ke semble corporelment.
Il veient ewe è punt-levez,
Feu, è maisuns, è bois, è prez,
E Homes de divers semblanz,
Ou neirs ou blancs aparissanz.
Autres choses veient plusurs
- ↑ Unkore.
