Le texte de cette page a été corrigé et est conforme au fac-similé.
308
POÉSIES
Pur qu’il la woele réclamer ;
Dunc fu li Lieires sanz poor.
Ensi avint le par un jor
Fu entrepris à lairechin
Se le truvèrent si Veisin ;
Si li dient k’il ert penduz
Qar malement s’est maintenuz.
Cil la Sorchière a dunc mandée
Si la à cunseill apelée ;
E prie li que li aidast.
Ele respunt ke ne dutast
Asséur fust è tôt en pès,
Qant des forkes estera près[1]
Si l’apiaut li Lierres od sei ;
Dame, fet-il, délivrez mei.
Va, dist-ele, ne dute rien
Jou te déliverrai moult bien.
Qant où col li mistrent la hart[2],
Cil s’escria de l’autre part
La tierce feiz à la Sorcière
Que li menbrast par quel manière
