Le texte de cette page a été corrigé et est conforme au fac-similé.
288
POÉSIES
Li léauz Hum dunc li respunt
Q’avis li est ke Singes sunt ;
De ma Dame et de moi di
E de mun Fill que tu vois ci,
Ke t’en semble, nel’ me celer[1]
Ce ke t’en doit, fet-il, sanler ?
Tu es Singes, el est Singesse,
Laide, hidouse et félonesse ;
Par toi peus saveir de tun fiz
Ke c’est un Singetiaus petiz[2].
A trichéor sun cunpaignun
Par tute meisme la raisun
Demendèrent de môt en môt ;
Et il lor dit que li sanlot
Q’uncques ne vist plus bele gent
Ne miauz fuissent à sun talent :
Après lur dit de lur Seignur
Qe bien semblot Emperéur,
E bien estre Rois ses Fiz
Sa Fame semble Empéerriz
Dunc l’unt entre eauz si hunneré ;
De tutes parz l’unt encliné[3] ;
Le léaul hum unt alors pris,