Ne la neif ne puis governer.
El li respunt : Biau Sire ciers,
Cunseil vus donrai volentiers ;
Ceste cités est mun Segnur ;
E la cuntrée tut en-tur,
Rices hum est de haut parage,
Mais vix est è de grant éage ;
Anguissusement est gelus,
Par cele fei ke jeo dei vus ;
Dedenz ce mur m’ad enfermée[1],
N’i ad fors k’une sule entrée.
Un vix Prestre la porte garde,
Maus fus et male flambe larde[2] ;
Ci sui et nuit et jur enclose,
Jà ne serai nul fiez si ose,
Que j’en isse s’il nel’ comande,
U me Sire ne me demande.
Ci ai ma chambre et ma chapele,
Ensanble od mei ceste Pucele ;
Se vus i plest à demurer,
Tant que vus mix pussez errer,
Volentiers vus séjurnerums.
Et de bun queor vus servirums.
Quant il ad la parole oïe,
La Dame forment en mercie[3],
Od li séjurnera ceo dit :
En estant s’est dréciés el lit,
- ↑
Dedenz c’est clos m’ad enserée
N’i ad fors une sule entrée. - ↑ Que le tonnerre, la foudre, le feu du ciel vous brûlent ! Imprécation fort en usage dans les XIIe, XIIIe et XIVe siècles. On prétend que cette imprécation tire son origine d’une maladie épidémique dont les Parisiens furent attaqués en l’année 1136, sous le règne de Louis VI, dit le Gros. Voy. Glossaire de la langue Romane au mot Mal-feu.
- ↑
Ducement la Dame mercie.
