Cette page a été validée par deux contributeurs.
44
PROLOGUE.
E plus furent sutil de sens,
E plus se savèrent garder,
De ceo ki est à trespasser.
Ki de vice se volt défendre
Estudier deit è entendre ;
E grevos ovres comencier,
Par se puet plus esloignier,
E de grant dolur délivrer,
Pur ceo començai à penser
D’aukune bone estoire faire,
E de Latin en Romaunz traire ;
Mais ne me fust guaires de pris
Tant se sunt altres entremis.
Des Lais pensai k’oï aveie
Ne dutai pas, bien le saveie,
Ke pur remanbrance les firent
Des aventures k’il oïrent,
Cil ki primes les comencièrent,
E ki avant les ....[1] vièrent :
Plusurs en ai oï conter,
Ne voil laisser nes’ oblier :
Rimez en ai, è fait ditié
Soventes fiez en ai veillié,
En l’honur de vos, nobles Reis,
- ↑ Le manuscrit renferme une lacune. Peut-être faut-il les escrivièrent. M. de la Rue, Recherches sur les ouvrages des Bardes armoricains, p. 13, propose de lire romancièrent ; ce qui feroit présumer que ces anciennes pièces avoient été déjà traduites en langue romane.
