Qui les aidaist à remonter,
Or puest cascuns del’ relever,
Li graviers com plains et ingaus.
Et qant il furent as chevaus,
Les escus joingnent as poitrines,
Et baiscent les lances fraisines[1].
Li Damoisiax ot honte éue
Qu’à tiere vint devant sa Drue ;
A cele jouste prémeraine
Sel’ féri, si a le demaine,
Que de l’escu porte les hiés[2],
Et cil refiert lui tout adiès.
Des hanstes font les trons voler,
Lequel que soit estuet verser.
Ce sent cil à vermelles armes,
De l’escu guerpi les énarmes,
Et del’ corant destrier la siele
(Voiant les iex à la Pucele)
Ses amis l’espaint el gravier
Par le règne prent le destrier.
Icil dui passèrent le Gué,
Li Dansiaus en fu effréé,
Por cho qu’il n’estoient pas per ;
Mais ne l’estuet pas douter,
Jà nus n’aura de l’autre aïe
Se faire vient de Chevalerie
Page:Marie de France - Poésies, éd. Roquefort, I, 1820.djvu/584
Cette page a été validée par deux contributeurs.
568
LAI DE L’ESPINE.
