Cette page a été validée par deux contributeurs.
540
LAI DE GRAELENT
Des piés grata, furment heni,
Par la cuntrée fu oï.
Prendre cuident è retenir,
Unques pus d’aus nel’ pot saisir :
Il ne voleit nului atendre,
Nus ne le puet lacier ne prendre.
Mut lunc-tans après l’oï-un
Chascun an en cele saisun,
Que se Sire parti de li,
La noise et le friente, et le cri
Ke li bons chevaus demenet
Pur sun Seignur que perdu ot.
L’aventure du bun destrier,
L’aventure du Chevalier
Cum il s’en ala od sa Mie,
Fu par tute Bretaigne oïe,
Un Lai en firent li Bretun,
Graalent-Mor l’apela-un.