Page:Marie de France - Poésies, éd. Roquefort, I, 1820.djvu/538

Cette page a été validée par deux contributeurs.
522
LAI DE GRAELENT

Al Rei a demandé respit,
Bien s’aperçeit qu’il a mesdit ;480
S’Amie en cuide aveir perdue,
D’ire è de mautalent tressue.
Jà est bien dreis que mal li tort,
Plusur l’en plaignent en la Cort.
Le jur eut entur lui grant presse,
Duq’à l’autre an li Reis le lesse,
Ke sa feste rasanblera ;
Tus ses amis i mandera,
E ses Baruns è ses Fievés.
Là seit Graelent amenés,490
Celi amaint ensanble od sei
Que tant loa devant le Rei :
S’ele est si bele è si vaillans,
Bien li pura estre varans,
Quites en ert, rien n’i perdra ;
E s’el ne vient jugiés sera,
En la merci le Roi en iert,
Assés set çeu qu’il i affiert.
Graelens est de Cort partis
Tristes, coreçous è maris,500
Muntés est sor un buin destrier,
A sun hostel va herbegier :
Sun Canbrelanc a demandé,
Mais il n’en a mie truvé
Que s’Amie li eut tramis.
Or est Graelent entrepris,