Mut anguissusement plurot,
E pur l’alme de li priot.
Quant aveit fète sa prière,
A sa meisun alot arière ;
Un jur al eissir del’ muster
L’avait sa femme fet gaiter,
Un suen Vadlet mut li prémist,
De luinz alast è si véist
Quel part sis Sires turnereit
Chevals é armes li durreit ;
Cil ad sun cumandement fait,
Al bois se met, après li vait,
Si qu’il nel’ ad aparçéu
Bien ad esgardé è véu,
Cument en la chapele entra,
Le dol oï qu’il démena.
Ainz qu’Eliduc s’en seit eissuz
Est à sa Dame revenuz ;
Tut li cunta ce que il vi
La dolur, la noise, è le cri,
Cum fet sis Sires en l’hermitage,
Ele en mua tut sun curage.
La Dame dit : s’emprès irums,
Tut l’hermitage cherchirums,
Mis Sires dit : ceo quide errer,
A la Curt vet al Rei parler.
Li Hermites fut mort pieça,
Jeo sai asez que il l’ama,
Page:Marie de France - Poésies, éd. Roquefort, I, 1820.djvu/486
Cette page a été validée par deux contributeurs.
470
LAI D’ELIDUC.
