Un seinz Hermites i maneit,
E une chapele i aveit,
Quarante anz i aveit esté,
Meinte feiz ot od li parlé.
A lui, ceo dist, la portera,
En sa chapele l’enfuira ;
De sa tere tant y durra,
Une Abéie i fundera,
Si metera cuvent de Moignes,
U de Nuneins, u de Chanoignes,
Qui tuz-jurs prierunt pur li,
Deus li face bone merci.
Ses chevals ad fait amener,
Sis cumande tuz à munter :
Mes la fiaunce prent d’iceus
Qu’il n’iert descuvert par eus.
Devant lui sur sun palefrei,
S’Amie porte ensemble, od sei ;
Le dreit chemin ont tant erré
Qu’il estéïent al bois entré ;
A la chapele sunt venu,
Apelé i unt è batu,
Ni trovèrent kis respundist,
Ne ki la porte lur ovrist.
Un des suens fist utre-passer
lia porte ovrir è deffermer ;
Oit jurs esteit devant finiz
Li seinz Hermites li parfiz.
Page:Marie de France - Poésies, éd. Roquefort, I, 1820.djvu/480
Cette page a été validée par deux contributeurs.
464
LAI D’ELIDUC.
