Deus Flamens, è deus Henoiers
Apareillez cume de puindre,
Ni ad celui ne voille juindre,
Cil les virent vers eus venir,
N’aveïent pas talent de fuir,
Lance baissié tut à esplun,
Choisi chescun sun compainun.
Par tel haïr s’entreférirent
E li Quatre defors obéirent ;
Il n’eurent cure des destriers
Ainz laissèrent les estriers,
Sur les abatuz se resturent,
Lurs Chevalers les succururent.
A la rescusse ot grant meslée
Meint coup i ot féru d’espée.
La Dame fu sur une tur,
Bien choisi les suens è les lur ;
Ses Druz i vit mut bien aidier,
Ne seit que il deit plus prisier.
Li turnéïement cumenca,
Li reng crurent, mut espessa
Devant la porte meintefeiz,
Fu le jur mellé le turneiz.
Li Quatre Druz bien feseïent,
Si ke de tuz le pris aveïent :
Tant ke ceo vient al avesprer,
Que il deveïent désevrer.
Trop folement s’abaundonèrent,
Page:Marie de France - Poésies, éd. Roquefort, I, 1820.djvu/392
Cette page a été validée par deux contributeurs.
376
LAI DU CHAITIVEL.
