Page:Marie de France - Poésies, éd. Roquefort, I, 1820.djvu/324

Cette page a été validée par deux contributeurs.
308
LAI D’YWENEC.

Ques’ a menés le dreit cemin,
Tant qu’il vindrent à un castel,
En tut le siècle n’ot si bel :
Une abéïe aveit dedens
De mult religieuses gens ;
Li Vallés les i herbega,
Ki à la feste les mena.490
En la chambre que fu l’Abé,
Sunt bien servi et abévré ;
El demain vunt la messe oïr,
Puis s’en voleient départir.
Li Abés va vers aus parler,
Mut les prie demourer ;
Si lur musterra sun dortoir,
Sun capitle et sun refroitoir,
E cum il fut bien herbégié,
Li Sires li a otroié.500
Si tot quant il eurent disné
As offécines sunt alé,
El capitre en entrent avant :
Une tumbe i truvèrent grant,
Cuverte d’un cuer paile roé,
D’un rice orfroi parmi bandé,
Au cief, as piés è as costés
Aveit vint cierges alumés :
D’or fin èrent li candelier,510
D’émétiste li encensier,
Dunt il encensèrent le jur,