Page:Marie de France - Poésies, éd. Roquefort, I, 1820.djvu/314

Cette page a été validée par deux contributeurs.
298
LAI D’YWENEC.

Sur le chemin ù il alot.
Icel sentier erra et tint,
Desi k’à une hoge vint ;350
En cele hoge ot une entrée,[1]
De ce sanc fut tute arosée,
Ne pot avant nient véoir,
Dunt cuidoit-elle bien savoir,
Que ses amis entrez i seit ;
Dedens se met à grant espleit,
El n’i truva nule clarté ;
Tant a le dreit chemin erré,
Que fors de la hoge est issue,
Et en un mult biau pré venue :360
Du sanc truva l’herbe moilliée,
Dunt s’est-ele mult esmaiée,
La trace en fu parmi le pré,
Assez près vit une cité ;
De murs fu close tut entur,
Ni ot méson, sale, ne tur,
Qui n’aparut tute d’argent
Mut sunt riches les Mandevent.[2]
Devers le Burc sont li mareis,
E la forest è li destreis ;370
De l’autre part vers le donjun,
Cort une eve tut envirun.
Iluec arrivoient les nés
Plus i aveit de trois cens trés,
La porte à-val fu deffermée,

  1. Le manuscrit porte entrer, et à la rime aroser.
  2. Quel est ce peuple ? Je l’ignore. Mes recherches à cet égard ne m’ont rien appris.