Pur vus ving-jeo fors de ma terre,
De Lains vus sui venue querre.
Si vus estes prox è curteis
Enperère ne Quens, ne Reis,
N’eut unques tant joie ne bien
Car je vus aim sur tute rien
Amurs le point isnelement
Que sun cuer alume et esprent.
Bele, dist-il, s’il vus plaiseit
E icele joie m’aveneit
Que vus me vausisiez amer,
Ne ne sariez rien cumander
Ke je ne face à mun pooir,
Tort à folie u à savoir.
Jeo ferai vos cumandemens
Pur vus geupirai-jeo mes gens ;
Jameis ne quier de vus partir
Ce c’est la riens que plus desir ?
Quant la Pucele l’ot parler
Celui qu’ele puet tant amer,
S’amur è sun cuer li otreie ;
Or est Lanvax en dreite veie.
Un dun li a duné après,
Icele rien ne vaudra mès
Que il ne l’ait à sun talent.
Doinst è despende largement,
Ele li truvera assez
Mut est Lanvax bien asenez ;
Page:Marie de France - Poésies, éd. Roquefort, I, 1820.djvu/228
Cette page a été validée par deux contributeurs.
212
LAI DE LANVAL.
