Cette page a été validée par deux contributeurs.
200
LAI DU BISCLAVERET.
Tute sa tere li rendi,
Plus li duna ke jeo ne di.
La feme ad del’ païs ostée,
E chacié hors de la cuntrée.
Cil s’en alat ensemble od li
Par ki sun Seignur od trahi,
Enfanz en ad asez éuz,
Puis unt esté bien cunéuz,
Del’ semblant è de le visage :
Plusurs femmes de cel lignage,
C’est vérité, senz nés sunt néies,
E si sovienent esnaséies.
L’aventure k’avez oïe
Veraïe fu, n’en dutez mie ;
De Bisclaveret fu feit li Lais,
Pur remembrance à tut-dis-mais.
