De tanz enfanz esteit créuz.
L’un li transmettra à lever,
De sun nun le face nomer.
Li riches hum sist al manger
A-tant es-vos le messager ;
Devant le deis s’agenoila
Tut sun message li cunta.
Li Sires en ad Deu mercié
Un bel cheval li ad doné.
La femme al chevalier surist,
De juste li al manger sist ;
Kar èle ert feinte è orguilluse,
E médisante è enviuse.
Ele parlat mut folement,
E dist devant tute sa gent,
Si m’eït Deus jo m’esmerveil
U cest Preudum prist cest cunseil
Qu’il ad mandé à mun Seignur,
Sa hunte è sa deshonur.
Que sa femme ad eu deus fiz,
E il, è èle en sunt huniz.
Nus savuns bien qu’il i afiert,
Unques ne fut ne jà n’en iert,
K’en avendrat cel aventure
Qu’à une sule portéure
Que une femme deus fiz eit,
Si deus hummes ne li unt feit.
Sis Sires l’a mut esgardée ;
Page:Marie de France - Poésies, éd. Roquefort, I, 1820.djvu/156
Cette page a été validée par deux contributeurs.
140
LAI DEL FREISNE.
