Cette page a été validée par deux contributeurs.
116
LAI D’ÉQUITAN.
E meinteneit è justisoit ;
Jà, se pur ostier ne fust,
Pur nul busuin ki li créust,
Li Reis ne laissast sun chacier,
Sun déduire, sun rivéier.
Feme espuseot li Séneschals
Dunt puis vint el païs grant mals.
La Dame est bele durement,
E de mut bon affeitement ;
Gent cors out è bele faiture,
En li former muat Nature.
Les oilz out veirs[1], è bel le vis,
Bele buche, neis ben asis ;
El Réaume ne out sa per.
Li Reis l’oï sovent loer
Soventefez l’a salua,
De ses aveirs li envéia ;
Sanz véue l’a coveita
E cum ainz pot à li parla.
Pur privéement esbanier,
En la cuntrée ala chacier,
Là ù li Séneschal maneit.
El chastel ù la Dame esteit
- ↑ Oilz veirs. Voy. Glossaire de la langue romane, tom. II, p. 660 ; le portrait d’une beauté dans la Ravallière, Poësies du Roi de Navarre, tom. I, pag 231, et le Grand d’Aussy, Fabliaux in-8o, tom. III, p. 346.
