De la province de Turquie. Chap. XII.
urquie eſt une province de gens ramaſſez, compoſée de divers peuples, comme Grecz, Armeniens & Tartares. Toutesfois les Turcz ont leur langue propre & particuliere, & vivent ſoubz la loy du deteſtable Mahumet. Ce ſont gens ignares, rudes & agreſtes, qui habitent es montaignes & vallées, & principalement es lieux de paſturages : car il ont de grans trouppeaux de jumentz, & porcz, ilz ont auſsi des muletz, mais ilz ſont chers, & de grande valeur. Quant aux Grecz, & Armeniens qui habitent entre eulx, ilz font leur demorance aux villes & bourgades, & s’appliquent antierement aux ouvraiges de ſoye, ilz ont pluſieurs villes entre leſquelles ſont les principales & plus fameuſes, Gomo, Ceſarée, & Sebaſte, ou le benoiſt ſainct Baſile fut martyrizé pour la foy de Jeſus Chriſt, ilz recongnoiſſent un des Roys de Tartarie pour leur ſeigneur.
De la grande Armenie. Chap. XIII.
a grande Armenie eſt une province de grande eſtendue, elle eſt tributaire aux Tartares & contient grand nombre de belles villes & bourgades, dont la principale & metropolitaine s’appelle Arzinga, en laquelle ſe faict du bougran ſingulier & excellent. Auſsi y a des ſources
