Ce que sus les champs avons dit.[1]
S’en rafreschissons nostre dit,[2]
Present ces douse damoiselles[3]
1368Qui sont sages, bonnes et belles,[4]
Et pluseurs gens qui y seront :
Volentiers nous escouteront. »
Je ne fis pas longue demeure,[5]
1372Einsois m’agenoillay en l’eure,[6]
Et humblement li respondi :
« Ma chiere dame, tant vous di :
Pleüst a Dieu de paradis
1376Que cils qui doit oïr nos dis
Fust ci endroit presentement,
Li bons rois qui si sagement
Saveroit oïr et entendre,[7]
1380Faire a point, et puis raison rendre.
Quant il averoit escouté
Ce qu’on li averoit compté ;[8]
Bien saveroit examiner
1384Et encor mieus determiner.
Et si croy bien qu’il jugeroit[9]
Selonc les parlers qu’il orroit.[10]
Et non pour quant, puisqu’il vous plait,[11]
1388Bien en poez dire hors plait,[12]
En supposant sans prejudice.
Et je qui point n’i pens malice.
Volentiers vous escouteray,
1392Et, se bon m’est, j’en parleray. »
