1108Des armes, d’amours et des dames.
C’est li rois par cui uns diffames
Ne seroit jamais soustenus ;
De toute villenie est nus
Et garnis de toute noblesse[1]
1112Qui apartient a gentillesse.
Trop de biens dire n’en porroie,[2]
S’ui mais tout adès en parloie. »[3]
Einsi fumes nous acordé,
1116Comme devant est recordé.[4]
Dont puis d’amours assez parlames,[5]
Et en parlant tant chevauchames
Que nous entrames es drois las
1120De pais, de joie et de solas,
C’est assavoir en un dous estre
Ou il faisoit si très bel estre
Qu’on ne porroit mieus, a mon gré :
1124C’estoit en souverein degré,[6]
A mon avis, de bon propos,
De deduit et de bon repos,
Ou uns cuers se puet reposer
1128Qui a point se vuet disposer.
La avoit il un bel manoir[7]
Ou elle voloit remanoir.[8]
Assez fu qui la descendi
1132Et qui entour li entendi ;
Et, sans atendre, fu menée
Dedens une chambre aournée
Si bien, si bel, si cointement
Page:Machaut - Œuvres, éd. Hœpffner, I.djvu/271
Le texte de cette page a été corrigé et est conforme au fac-similé.
