Page:Machaut - Œuvres, éd. Hœpffner, I.djvu/268

Le texte de cette page a été corrigé et est conforme au fac-similé.

 
Par diffinitif jugement,
1016Que cils a trop plus malement
Grieté, tourment, mal et souffraite[1]
Qui trueve sa dame forfaite
Contre lui en fausse maniere,
1020Que la trés douce dame chiere
Qui avera son dous amy
Conjoint a son cuer, sans demy,[2]
Par amours, sans autre moien,[3]
1024Puis le savera en loien[4]
De la mort ou il demourra,[5]
Si que jamais ne le verra.
Et comment l’osastes vous dire,
1028Ne dedens vos livres escrire ?[6]
Il est voirs qu’einsi l’avez fait,
Dont vous avez griefment meffait.
Si vous lo que vous tant faciez[7]
1032Que ce jugement effaciez,
Et que briefment le rapellez.[8]
Guillaume, se vous tant valez,
Vous le pouez bien einsi faire
1036Par soustenir tout le contraire.
Car li contraires, c’est li drois
En tous bons amoureus endrois. »[9]
— « Dame, foy que doy sainte Eglise
1040En qui ma foy est toute assise,[10]
Pour nulle rien ne le feroie ;
Eins iray tout outre la voie
Dou fait, puisque j’y suis entrez.
1044Dès que mes jugemens outrez[11]

  1. M Grietez; D Tristece ; mal manque dans D
  2. BE C. en ; B sans annuy ; E sans ami ; D c. son ami
  3. D autre lai
  4. D scaura de bon cuer vrai
  5. D Que la mort le deuourera
  6. F liurez
  7. D los
  8. D les appelles
  9. E bons amours en drois
  10. F cui ; ME toute mise
  11. F ques.