Mais nuls endurer ne peüst,[1]
308S’auques durer cils temps deüst.[2]
Si que ces tempestes cesserent,[3]
Mais tels bruïnes engendrerent,
Tels ordures et tels fumées
312Qui ne furent gaires amées ;[4]
Car l’air qui estoit nès et purs[5]
Fu ors et vils, noirs et obscurs,[6]
Lais et puans, troubles et pus,[7]
316Si qu’il devint tous corrompus,[8]
Si que de sa corruption[9]
Eurent les gens opinion
Que corrumpu en devenoient
320Et que leur couleur en perdoient.
Car tuit estoient mal traitié,
Descoulouré et deshaitié :[10]
Boces avoient et grans clos
324Dont on moroit, et a briés mos,[11]
Po osoient a l’air aler,[12]
Ne de près ensamble parler.
Car leurs corrumpues alainnes[13]
328Corrompoient les autres sainnes
Et s’aucuns malades estoit,
S’uns siens amis le visetoit,
Il estoit en pareil péril ;
332Dont il en morut cinc cent mil ;
Si que li fils failloit au pere,
La fille failloit a la mere,
La mere au fil et a la fille[14]
336Pour doubtance de la morille ;
Page:Machaut - Œuvres, éd. Hœpffner, I.djvu/244
Le texte de cette page a été corrigé et est conforme au fac-similé.
