Page:Machaut - Œuvres, éd. Hœpffner, I.djvu/166

Car quant lancier voloit un de ses dars,^[1]
          332 Si sagement
Le savoit faire et si soutivement^[2]
Que nuls savoir nel peust bonnement,
Fors cils seur qui il chëoit proprement.^[3]
          336 Net, odorant,^[4]
Lonc et traitif, de taille bien sëant^[5]
Avoit le nés au viaire atTerant ; 338^[6]
Car il n’estoit trop petit, ne trop grant.^[7]
          340 Mais sa bouchette,
Petite a droit, vermillette, grossette,^[8]
Toudis riant, savoreuse, doucette,^[9][10]
Me fait languir, quant mes cuers la regrette.
          344 Car qui l’oist
Parler a point, et rire la veïst,^[11]
Et les douceurs par saveur recueillist,^[12]
Il la prisast seur toutes et deïst ;
          348 Que deus fossettes
En sousriant faisoient ses joettes^[13]
Qui estoient blanches et vermillettes^[14]
Pour embelir, et un petit grassettes.^[15]
          352 Et encor plus :^[16]
Les dens avoit blans, sarrez et menus,^[17]
Et ses mentons estoit un po fendus,^[18]
Votis dessous et rondez par dessus.
          356 Mais a merveille

1. D vouloit lancer
2. KJ Le voloit ; EKJ si tressublilment
3. KJ il venoit
4. KJ Et ; DE Nés ; B¹P Nez ; M Nef eudourant
5. CEKJP traitiz ; KJ bien faisant
6. C aufterrant
7. B ne trop petit
8. CDEP et gross.
9. E samoreuse ; CDP et doue.
10. 342 et 343 intervertis dans E
11. a point manque dans D ; D ou rire ; C et si ne la veist
12. P la douceur ; KJ par sauoir
13. E En son riant ; K En soulz riant
14. E Qui moult est. ; M blanche
15. et manque dans EP ; P petitet : CJP grossetez ; E crassetes
16. KJ Encore
17. C ot blans ; D blanches ; E et serrez ; C serrez et menues
18. E Son mentonnet ; C un petit f.