Que la dame qui avoit longuement
Perdu vigour, scens et entendement
Ouvri les yeus et prist parfondement
228 A souspirer,
En regretant celui qui désirer[1]
Li fait la mort par loiaument amer.[2]
Mais cils qui ot le cuer franc sans amer
232 Dist : « Dame chiere,
Pour Dieu merci, reprenez vo manière,[3]
Vous vous tuez de faire tele chiere,
Car je voy bien que moult comparez chiere[4]
236 L’amour de li.
Si n’aiez pas le cuer einsi failli,[5]
Car ce n’est pas preus, ne honneur aussi. »[6]
— « Vous dites voir, sire ; mais trop mar vi[7]
240 L’eure et le jour
Qu’onques amay de si parfaite amour,
Car je n’en puis eschaper par nul tour ;
Eins y congnois ma mort sans nul retour. »[8]
244 « Dame, or oiez
Ce que diray et a mal ne l’aiez :[9]
N’est merveille se vous vous esmaiez.[10]
Car bien est drois que dolente soiez.[11]
248 Mais vraiement
On trouveroit plus tost aligement[12]
En vostre mal qu’en mien ».[13]
« Sire, et com-[ment ?[14]
Dites le moy, et de vo sairement
252 Vous aquitez. »
- ↑ KJ qui souspirer
- ↑ KJ par lardanment amer
- ↑ C dieu a mercy ; P refrénez
- ↑ KJ que trop comp, ; D que vous comp.
- ↑ M ainssi le cuer
- ↑ KJ nest preux bien ni honneur
- ↑ DEKJ mal vi
- ↑ nul manque dans E
- ↑ KJ ne soiez
- ↑ CBDEKJR Nest pas meru.
- ↑ KE Ains est bien drois
- ↑ KJ En ; D Ou
- ↑ E quou mien ; KJ sire comment
- ↑ E vostre ; R vostre serment.
