Cette page a été validée par deux contributeurs.
212
Memoires
Sa bonne fortune & ſes conqueſtes ont deſia volé par toute la terre habitable, & l’ont rendu redoutable à tous ceux qui en ont oüy la nouuelle.
Sa hardieſſe ne peut eſtre ignorée apres la deroute de Riez, en laquelle ſa preſence majeſtueuſe feit tomber les armes des mains des rebelles & leur oſta la hardieſſe de faire aucune reſiſtance, quoy qu’ils ſ’y feuſſent preparez long temps auparauant : Les villes qu’il a aſſiegé depuis quelques années, ne l’accuſeront iamais de coüardiſe ny de timidité, apres l’auoir veu ſi ſouuent à la portée de leur canon & dans les trenchées qu’il faiſoit pour les approcher & les forcer à le recognoiſtre pour leur Roy & naturel Seigneur.
Sa Sageſſe a eſté amplement re-
