Cette page a été validée par deux contributeurs.
86
Memoires
uoir & auctorité confirmons & voulons & octroyons de grace ſpeciale, que ledit Prieur & ſes ſucceſſeurs puiſſent icelles choſes tenir, auoir & poſſeder paiſiblement à touſiourſmais, ſans & qu’il & leſdits ſucceſſeurs puiſſent eſtre contraints de les mettre hors de leur main & de payer à nous & à nos hoirs & ſucceſſeurs pour ce finance, à nous noſtre droict en autres choſes, & l’autruy par tout. En teſmoin de ce nous auons fait ſceller ces preſentes de noſtre ſcel. Donné à Dourdan le Mardy 6. iour de Mars, l’an de grace 1335.
Lettres patentes de la Royne Ieanne.
Ieanne par la grace de Dieu Royne de France & de Nauarre : A tous ceux qui ces preſentes lettres verront, ſalut. Sçachent tous que l’aſſignation faite par nos amez Denys de Charolles, Regnault de Sarguz clercs, & Robert de Charny à ce de par nous deputez, aux Chanoines Prieur Abbé de Dourdan, de dix ſols tournois de rente, laquelle rente noſtre
