Le texte de cette page a été corrigé et est conforme au fac-similé.
Et mains haubiers à pans saffrés,
Et mains gambisons endossés.
Tout si acesmés pour deffendre
En vait Rois Nobles terre prendre,
Et à çou que le nave avoit
Vent à souhait, li mers estoit
Revenue plaine en canel.
Li nave le Roi vint de tel
Randon prendre ens el havle port,
Et si radement et si fort,
C’à seckes où sablon sailli,
A poi que parmi ne fendi :
Car ele vint de tel randon
Que vint piés feri el sablon.
