Page:Le Roman du Renart, 1826, tome 4.djvu/357

Le texte de cette page a été corrigé et est conforme au fac-similé.

Lors escrie, assalés, signour.
5320Jà i éust moult grant dolour,
Quant une tempeste leva
Ki les deus naves desevra,
Que li Renart en Orient
Ala, et enviers Occident
Ala li grant nave le Roi,
Parfont en mer en un recoi :
Et li tempeste tint Renart.
Lors reclaime Saint Lienart
Et tous les Sains ki sunt sainti,
5330Car li vens son sigle abati
Ki tous entirs ert de boisdie.
A poi li mas de trecerie
Ne rompi à cest colp en deus ;
Paour a li plus vighereus
Des gens Renart, et Renart crie,
Hé ! Dieus, soiiés moi en aïe,
Je vous requerrai outremer,
Se me voelliés de ci gieter,
Au sepulcre et me croiserai,
5340Et à Noblon m’apaiserai,
Car il a droit et jou ai tort.
Confiessons-nous, vesci no mort,
Une grande waghe et une onde
Ki bien couverroit tot le monde,
Ce m’est vis ; Veni, Creator
Dites, signor, de cor encor.