Conment les avoit decéues.
Droit as messagiers sont venues
Les Dames et lor ont douné
L’escrit de cire saielé.
Cil prendent l’escrit, si s’en vont,
Mais ançois le congié pris ont.
Ne cessierent, si sunt venu
A Passe-Orguel ù Renars fu,
Si li dient de par le Roi
Le defiance et le desroi
K’il lor ot dit, et qu’il venra
A Passe-Orguel, et amenra
Sa gent par la mer à navie
Ains un mois, et sa barounie ;
Ne qu’il ne le laira durer
Nul liu en tiere ne en mer.
Enpriès tout çou li ont dounée
La letre ki fu saielée
De par les Dames. Il les prist
Et les œvre et puis si les list,
Et voit conment entr’acointies
Se sont, et plus depuliies,
Et conment le buske ot Hiersens.
A poi k’il n’en issi dou sens
De çou qu’ensi est decéus,
Et s’est de çou corociés plus
Ke Hiersens le buske ensi eut.
Tous abaubis grant tans se teut,
Page:Le Roman du Renart, 1826, tome 4.djvu/330
Le texte de cette page a été corrigé et est conforme au fac-similé.
