Qui ne puet mès sor piez tenir ;
Tu la puez bien trop maintenir,
Renart, moult par est ses c… biaux :
C’est uns Déables, uns Corbiaux,
C’est une vielle barbelée
Qui porté a verge pelée
Espoir plus de qatre vingts anz,
Ou plus ou mainz, je ne sai qanz ;
Mès itant sai-ge bien de voir,
Et tu le déusses savoir,
Qu’il n’a jusqu’à la mer betée
Garçon qui ne l’ait garçonée.
Ha ! quel soulaz, quel druerie !
Trop est vielle sa puterie,
Ele a entor le cul plus fronces
Que un arpent de bois n’a ronces.
Chaitif, moult par devroies fondre,
Jà te porroit-ele repondre
En la pel qui au cul li pent ;
Fai toi confès, si te repent
Et de cel pechié et des autres
Que tu ne voises o les autres
En Escosse ou en Engleterre,
El ne t’ira gueres loing querre,
Ainz t’aura tost mis en oubli.
Se tu estoie à Chambeli
Ele iroit ainz à Ronqueroles,
Por que les voies fussent moles,
Page:Le Roman du Renart, 1826, tome 3.djvu/320
Le texte de cette page a été corrigé et est conforme au fac-similé.
