Dist Renart, sachiez sanz mentir
Qant vi la charrete venir,
Por ce que trop grant fain avoie,
Je me couchié enmi la voie ;
Si tenoie la teste en tort
Aussi conme se fusse mort.
Sitost conme li charretier
Me virent gesir el sentier,
Si cuiderent à escient
Que je fusse mort vraiement.
Il me pristrent, il n’i ot el,
Que moult desirroient ma pel,
Si me jetent el charretil,
Et je le fis si conme cil
Qui estoit et preuz et legiers.
Si m’en ving tantost as peniers,
Si menjai tant conme je poi,
Et qant assez mengié en oi,
Si sailli jus à tout cestui
Que je vos ai aporté ci ;
Et se tu en veus plus avoir,
Va après, si feras savoir,
Et si t’apareille autresi.
Je cuit et croi par Saint Remi
Que il feront autel de toi.
Par foi, dist Primaut, je l’otroi,
Je vos afi que ge i vois ;
Mès atendez moi dans cest bois,
Page:Le Roman du Renart, 1826, tome 1.djvu/185
Le texte de cette page a été corrigé et est conforme au fac-similé.
