El tertre monte Guillelmes li marchis ;
2510Gui d’Alemaigne l’en a a raison mis : [*]
« Qui iés tu, va, guarde n’i ait menti, [*]
Qu’as en ton cuer si grant hardement pris [*]
Qu’encontre mei osas en champ venir ?
— Veir, » dist Guillelmes, « gel vos avrai tost dit :[*]
2515Ge dei combatre al brant d’acier forbi. [*]
Par dreit est Rome al rei de Saint Denis [*]
Et ge meïsmes une bataille en fis,
En som cest tertre, vers Corsolt l’Arrabi, [*]
Le plus fort ome qui de mere fust vis. [*]
2520Si me colpa le nés desus le vis. » [*]
Quant Gui l’entent a pou n’esrage vis, [*]
N’i volsist estre por l’onor de Paris. [*]
Ou veit Guillelme si l’a a raison mis :[*]
« Iés tu ce, va, Guillelmes li marchis, [*]
2525Cil de Narbone, filz al conte Aimeri ?
Fesons la pais et seions buen ami,
Et mei et tei avrons Rome a tenir. [*]
— Gloz, » dist Guillelmes, « Deus te puist maleïr !
— 2507 B tentes ; B1 sen vait arrestant ; B2 sen vet molt liement — 2508 Ce vers a été fondu par le copiste de B1 avec 2507 — 2510 A lauoit a r. m. — 2511 B2 Qui es vassal garde ne me mentir — 2512 B Qui en t. c. as tel h. p. ; A2 manque — 2514 A je le vos aurai dit ; B la leçon + Jai nom g. fill le conte aimeri Cil de nerbone le preu et le hardi — 2515 B Ci d. c. a. b. da. f. Encontre toi que voi ci aasti (B1 aaci) Par tel conuent com ja porras oir (B1 sera oi) — 2516 A charle de s. denis Et apres lui la tendra looys — 2518 B Desus cel t. a c. — 2519 B2 qui adonques f. v. — 2520 A Si li copai ; B manque — 2521 B1 manque — 2522 B1 pour tout lor — 2523 A manque — 2524 B Escote moi — 2527 B manque
