Et ses alcubes et ses brahanz lever ;
Fait les cuisines et les feus alumer. [*]
Li cuens Guillelmes a les foriers menez [*]
2285Par mi la terre por le païs guaster ; [*]
Et font la terre et le païs rober, [*]
Dont cil de l’ost sont riche et assasé. [*]
Li cuens Guillelmes a conduit les foriers.[*]
Gui d’Alemaigne se leva sor ses piez ;[*]
2290Un per de Rome en aveit araisnié :[*]
« Hé ! gentilz sire, faites pais, si m’oiez.
Prenez les armes tresqu’a mil chevalier [*]
Ainz que il aient les paveillons dreciez, [*]
Ses escriez molt bien el premier chief ; [*]
2295S’avez besoing ge vos irai aidier. »
Et cil respont : « Bien fait a otreier. »[*]
Isnelement se vont apareillier ;
Les halbers vestent, s’ont les helmes laciez,
Ceignent espees et montent es destriers ;[*]
2300A lor col pendent les escuz de quartier [*]
Et en lor poing les reiz trenchanz espiez. [*]
Par mi la porte s’en issent eslaissié.
Une broïne comence a espessier,
Qu’on ne poeit veeir ne chevalchier ;[*]
— 2283 B ses c. et ses. f. a. — 2284 B ses f. m. — 2285 B Par le pais por la terre g. — 2286 B Et font les proies et le charroi mener Et bues et vaches a motons por saler — 2287 B sont tuit bien rassaze — 2288 B ses f. — 2289 B en est leuez en piez — 2290 A Son per ; B2 Le pere — 2292 B Preignent lor a — 2293 B lor p. d. — 2294 B premier el p. c. — 2296 B E. c. respondent bels sire volentiers — 2299 B2 Espees ceignent puis ; B1 C. e. si — 2300 A A. l. cops — 2301 B En lor poing prennent — 2304 A veoir ne charoier
