1815Va, si me di a Guillelme le pro [*]
Que il otreit ce que li altre font. [*]
De la corone m’est delivrez li dons ;
Bien sereit France perdue a cel guarçon :
Ja ne valdra Looïs un boton.
1820Li cuens Guillelmes est merveilles prodom,
Mais ancor n’a terre ne guarison :[*]
Ge l’en dorrai tot a esleccion ;[*]
Une contree avra tote a bandon, [*]
Dis muls chargiez entre or fin et mangons,
1825Adonc sera merveilles riches om.
— Veir, » dist Alelmes, « vos parlez en pardon ;
Il nel fereit por tot l’or d’Avalon. [*]
Ancor vos mande, por quei le celerions ? [*]
Plus cruel chose que ci nomé n’avons :[*]
1830Se vos cest plait refusez a bandon, [*]
Ainceis le vespre en serez si hontos [*]
N’i voldriez estre por tot l’aveir del mont. »[*]
Dist Acelins : « A Deu beneïçon !
Quant ge n’i puis pais trover ne amor, [*]
1835Ge le desfi, ce li mant ge par vos. » [*]
Et dist Alelmes : « Entendu vos avons. [*]
Tot altresi vos redi de part nos :[*]
Ge vos desfi, oiant toz voz barons. » [*]
— 1815 A g. le franc hom — 1816 B Que il motroit — 1821 B et men liure le don — 1822 A Ge li d. — 1823 B a son bon — 1827 B darragon — 1828 A que le celerions — 1829 leçon de C ; B que nous ci ne dison ; A Pis que tel chose que noncie nen auons — 1830 B manque — 1831 B2 manque ; B1 Quainz le vespre vos donra .i. tel don — 1832 B1 pour toute besencon ; A Nel v. — 1834 B2 trouuer que cuisancon — 1835 A ce li di de par nos ; B2 ce par vous li mandon — 1836 leçon de C ; B entendu ai vo bon ; A Respont a. bien oi v. a. — 1837 B2 du baron — 1838 B Defiez estes et vostre compaignon (B2 et tui vo compaignon)
