Le texte de cette page a été corrigé et est conforme au fac-similé.
Parmenon
Son habit ?
Cherée
Fort usé.
Parmenon
Leur train ?
Cherée
Je n’ay veu qu’eux.
Parmenon
C’est elle asseurément.
Cherée
Qui ?
Parmenon
Resseurez vostre ame ;
Je connois maintenant l’objet de vostre flame
Cherée
L’as-tu veuë ?
Parmenon
Elle-mesme.
Cherée
Et tu sçais son logis ?
Parmenon
Je le sçay.
Cherée
Parmenon, dy-le moy.
Parmenon
Chez Thaïs.
Comme ils venoient d’entrer, je vous ay veu paraistre,
C’est un don que luy fait le rival de mon maistre.
Cherée
Il doit estre puissant.
Parmenon
Plus en bruit qu’en effet.
