Cette page a été validée par deux contributeurs.
Le Drappier.
Je puisse Dieu désavouer,
Si je n’ay neuf francs !
Guillemette.
Helas ! sire,
Chascun n’a pas si faim de rire
Comme vous, ne de flagorner.
Le Drappier.
Dictes, je vous pry’, sans sorner :
Par amour, faites-moy venir
Maistre Pierre ?
Guillemette.
Mesavenir
Vous puist-il ! Et est-ce à meshuy ?
Le Drappier.
N’est-ce pas ceans que je suy
Cheuz maistre Pierre Pathelin ?
Guillemette.
Ouy. Le mal sainct Mathelin,
Sans le mien, au cueur vous tienne !
Parlez bas !
