La fora, ins el setge, era lo coms d’Alos.
Si Jhesu Christ non pensa, qu’es de tot poderos,
Tuit seran mort o pres ans del solelh rescos,
Que lo castels es frevols e desgarnitz e blos
A tot defendemen.
Li baro de la ost fan cridar parlament
Que ano al pertrait trastuit cominalment ;
E cant o ag[r]on fait non viras ges sols .C.,
Que plus son de .X. melia, cascus ad .I. tenent.
Las perreiras dresseron la fors el derrubent ;
La batalha lor donen cavaer e sirvent.
Mas lo coms Baudoïs, que es pros e valent,
Ab sa cavalaria on pus pot se defent :
Lo pertrait lor arseron de dins ab foc ardent,
Mas ellh ne gietan autre aqui eiss mantenent.
Gran miracle lor fist Jhesus l’omnipotent
Car no foron tuit pres a sel envaziment.
Lo coms sel de Montfort era son be volent
Del comte Baudoï e mot de l’autra gent ;
Pel be qu’en auzon diire grans piitetz lor en prent.
Pels autres no doneren d’una notz lo valent.
Mas lo coms de Chalo fist gran essenhament.
Qu’un crozat i trames que cridè autament :
« Senher coms Baudoïs, venet segurament,
- ↑ — 1664. et suiv. Le récit de la prise de Montferrand est fort développé et arrangé dans la réd. en pr. Il n’y est point question de l’intervention du comte de Chalon (v. 1680) ; Simon de Montfort fait demander un rendez-vous à Baudouin et traite directement avec lui.
— 1663. A, corr. De ?
